Arbeidshelg

Nyt ei stjålen stund på sofaen med ein sterk kaffikopp. Dagen i dag har vore hektisk med ærend, handling, køyring og vasking. Straks ventar 5 timar på jobb - begynnelsen på ei lang arbeidshelg, men det blir fint. Håpar været held seg gjennom helga - som bildet viser starta eg dagen friskt med hua. Er'e siste dagen i september, så er'e siste dagen i september liksom - tjue grader til tross. 




 


290911, Dagen i bilder












Speechless

Ålreit. Trudde eg hadde slutta å vera periodebloggar, men det hadde eg altså ikkje.

Nokre gongar sit ikkje orda fastlimte på fingertuppane, orda krøllar seg på tunga og grensene mine hevar seg lik ein pustande brystkasse om kva som slepp ut på bloggen. 

Skal prøva å bli flinkare. Skriving avlar skriving, sant?  Natta!

 




"Ig e litt sint!"

Ingenting er som når Vincent tramper rundt i stova og roper at han er litt sint. Litt sint på dyra sine, litt sint på Duploen, og aller mest litt sint på mamma. Då tramper han så hardt han klarar med dei bittesmå beina sine, og det er ikkje fritt for at isbjørnar og hestar får ein flygetur gjennom rommet. 

Så tullar me og humøret klatrar til topps i rekordfart. Me sprett rundt på golvet til rytmane frå Haba Haba og Waka Waka, han hyler av fryd og kastar seg longflat ned. Beordrar meg på kne, klatrar opp på ryggen min, skrålar og ler. Så marsjerer me rundt i stova, mammahesten humpar når ho går og den vesle ryttaren skoggler og heng rundt halsen. Fine, fine søndagen!



Grey love.

Trur eg vart litt inspirert av mitt eige blogginnlegg i går, for då eg hadde køyrd Vincent i barnehagen i dag tidleg tok eg ein velfortjent tur i solariumet. Åh, beste måten å starte dagen på! 

Ellers er fredag fast vaskedag, så det er vel unødvendig å sei kva formiddagen har gått til. Amalie ramla nettopp inn dørane her med nylaga eplekake, så utruleg fint å ha ei litlesøster som har begynt med heimkunnskap og tar med seg smaksprøvar heim! No sit eg litt på vent, fredagsettermiddagen skal tilbringast på jobb før det er rett heim til Idol og nokre minutt kvalitetstid med Christian - før han skal på nattevakt. Hektisk!

Genseren på bildet under kjøpte eg forresten i går - og har budd i den sidan. Perfekt strikkagenser til kalde haustdagar!



Spania, mai 2011. A trip down Memory Lane.

Needless to say kor mykje eg saknar Spania...


...med sine sjeldne solstråler, til tross for at det var midt i mai og me
var midt på Solkysten.



...med sine sjarmerande små marked med eit himmelvidt spekter av
tilsetningssøtt smågodt, raritetar, fersk frukt og sjarmerande spanjolar.



...med sine varme kveldar, kor eg var på ein aldri så liten snurr fem av seks kveldar.



...med sine fine utflukter til spanske byar, grotter og handlegater.



...med sine daglege restaurantbesøk, nokre betre enn andre,
og nokre så fantastiske at smaken sit på tunga enno.



...med norske flagg mot den spanske himmelen,
symjing i 17. mai-tog og til ære for ein dobbel sviger-bursdagsfeiring.
Som jo var den eigentlege grunnen til at 17 stykk vendte nasa sørover i ei heil veke.



...med sine to lange flyturar med eit lite smilefjes det gjekk overraskande bra med.

TAKE ME BACK.


Eg listar meg - igjen

Noko som gjorde deg glad i går?
Formen til Vincent, oppoverbakke, snart på toppen igjen. 

Humør akkurat no?
Rastlaus, om det er ein sinnstilstand. 

Kva gjorde du klokka åtte i dag tidlig?
Sov, til ei forandring. 

Kva gjorde du for femten minutt sidan?
Var ute i mørkret og køyrde.

Kva ser du om du ser til høgre?
Christian. Med PS3-kontroll i hendene og Läkerol i munnen. 

Kva gjer deg glad akkurat no?
Å veta at eg har det bra akkurat som det er. 

Kva vær er det hos deg akkurat no?
Typisk vestlandsk haustvær. Det er mørkt, det blæs og det regnar sidelengs.


 

Kva var det siste du åt?
Tyggis. 

Kva har du drukke i dag?
Ein kopp kaffi, ein Starbucks og eit halvt glas vatn.

Beste issmak?
Krokran - med loads av karamellsaus on top. Meg og svigerfar, det. 

Det siste du kjøpte?
Skal me sjå vekk frå daglegdagse ting som snop og daglegvarer? Såfall: undertøy.
Det siste du sa høgt?
Nei?

Det siste nokon sa til deg?
Høyre du kor urolig han er? sa Christian.

Søv du tungt?
Nei, ikkje spesielt. Og iallfall ikkje etter at eg vart mamma.



Har du mareritt?
Det hender.

Kor mange puter søv du med?
Eg søv med ei. Som eg har over hovudet. Men når Christian er vekke stjel eg hans pute også, og det er det aller beste.

Snorkar du?
Nei, heldigvis!

Favorittklede?
Likar meg best i trange bukser, singletar, lause toppar... og minikjole, fnis. Shorts er også ein favoritt. 

Favorittsnop?
Sjokolade. For øyeblikket dei nye boblene til Stratos, in particular dei med kvitt inni. 

Høgre- eller venstrehendt?
Høgre.

Stjerneteikn?
Fiskane.

Kva lengtar du mest etter akkurat no?
Hard to say.

Kva er viktigast for deg?
Vincent, Christian, familie. Kjærleik og skriving. 


Lista er funne her


Kosedag

Labert på bloggfronten for tida, berre å beklaga! Forstår ikkje heilt kor dagane tek vegen, dei forsvinn i ein virvel av jobbing, kvalitetstid, familie og sosialisering. Cirka. 

Mandag henta Christian og eg ein slakk liten Vincent heim frå barnehagen med feber og tett bryst, så gårsdagen gjekk med til å bygga og leika med Duplo og togbanar. Heldigvis var han i betraktelig betre form, så i dag er han mest heima for kosens skyld sidan både Christian og eg har fri - det skjer ikkje for ofte. Herlig med "helg" midt i veka, så i dag har me vore på biblioteket og lese bøker og pusla ørten puslespel, gått ein tur på leikebutikken og kjøpt både nye puslespel og togbanar - og til slutt gjekk me på butikken å kjøpte med oss donuts og rundstykker heim til lunsj. 

No sit Vincent og eg i sofaen og skiftar mellom å sjå Kung Fu Panda og YouTube, og idag ser me omtrent slik ut:





Housewife

Omtrent sånn ser eg ut for øyeblikket. Har fått vaske-ånda over meg, har Pitbull på full guffe i skullcandyen og det luktar grønnsåpe og er reint all over the place. Fin start på helga!





Liste-Silje

SISTE:

Sang du hørte: Titanium

Film du så: Hodejegerne, på kino i går kveld.

Mat du spiste: Knekkebrød.

Klem: Vincent då han skulle avgårde i barnehagen.

Kyss: Christian.

Følelse: Glede. Generelt mest glad, eg.

Reise: Hyttetur til Voss i helga, best.

Glede: Då eg våkna med eit superblidt lite Vincent-ansikt 2 cm frå mitt eige i dag tidlig.

Drøm: Hugsar ikkje, shoot.

Person du traff: Bestemor og bestefar.

Person du snakket i telefon med: Hugsar ikkje. Bestefar eller mamma.

Personen du fikk sms av: Christian.

Gangen du spiste 7-eleven pølse: Aldri. Generelt ingen fan av pølser.

Gangen du var utendørs: Just nettopp, var taxisjåfør for bestemor og bestefar.

Gangen hele familien din spiste middag sammen: Som i, kva for ein familie? Vincent, meg og Christian hadde middag saman i går. På svigersida spiste me saman på søndag, og på mi side på mandag. Me har mange sosiale middagar. Love it!

Tingen du kjøpte: Snop og dagligvarer?



GENERELT:

Skal bli morsomt: Jul, går det an å sei? Og sydentur, sjølv om den ikkje er bestilt.

Skal ikke bli morsomt: Fire nattevakter in a row. Sucks!

Sparer til: Hus.

Pålegg som gjelder: Salat.

Ønsker at jeg var flinkere til: Å...

Dagens drikke: Kaffi og/eller sukkerfri RedBull.

Hva savner du: Større plass til utfoldelse, in particular eige rom til Vincent.

Tre band/artister: Pitbull, Iron Maiden, Erik & Kriss.

Hva har du gjort i dag: Kost litt ekstra med Vincent sidan eg skal jobba i ettermiddag, vore sjåfør for mine besteforeldre, vore på kaffibesøk, støvsugd og rydda klær, dusja - og straks er det jobb frå 15 - 20.

Pleier du å banne mye: Eh. Ja. Prøver å file ned.

Hvor tidlig står du opp: Mellom halv sju og halv åtte, alt etter når Vincent våknar. Over halv åtte er luksus.




Hodejegerne

On our way to the movie! Skal bli finfint med ein kveld på kino, etterfulgt av tv-kveld hos gode venner. Håpar filmen innfrir og er like bra som boka! 

Ha ein fin kveld! 


 


Våkenatt og ein liten mobilsnik

Klamrar meg til ein sterk kaffikopp. Etter eg fekk Vincent og Christian av gårde til barnehagen i dag tidlig, har eg tatt igjen 1,5 time med skjønnhetssøvn på sofaen. 

Vincent kom krypande opp i senga til oss i natt, og sidan Christian og eg sov tungt, fekk ingen av oss med seg at han lydlaust fann mobilen til pappaen på nattbordet. Som den luringen han er låg han sannsynlegvis lenge og spela forskjellige apps - så då mammaen til slutt oppdaga det og såg at klokka berre var 03:14, var han for lengst veldig våken og klar til å stå opp. Og med ein aldri så liten virvelvind i senga som både sparkar og slår er det nesten umogleg å sove. 

Ergo vart det lite søvn i natt, og sjølv om Vincent sovna igjen etter 1,5 - 2 timar, har samanhengande søvn alt å seie. Satsar på at han får seg ei lita kvilestund i barnehagen i løpet av dagen, det var ein halvvegs trøytt og sutrete liten gutt som traska av gårde i Mariusgenser under regndråpane i dag tidlig.  





Pustepause

Innimellom treng ein pustepause.
Frå rutinar, planlegging, dagar som fortonar seg som dråpar med vatn. 

Det er så innmari fint å for ein gongs skyld vera spontan sjølv om me har ein toåring, berre tenke på oss sjølv og bestemme at - hei, me reiser vekk i helga.
Då er det himla fint å ha ei hytte på fjellet, kor næraste nabo er hjorten som skjuler seg blant grantrea, kor suset frå gjelet er alt som høyrest og kor det svir i augo når ein kikkar ut glaset, fordi det er så skammeleg vakkert. 

Spelar absolutt inga rolle at klokka er over halv åtte når me låsar oss inn den tunge hyttedøra, at Vincent ikkje er i seng før halv ti på ein heilt vanleg fredag, eller at me et lyse baguettar med eit lass av nugatti til frukost.

La det ikkje gå lenge til neste gong. Hytteliv. 



Det var tretten små grader då me låste oss inn i hytta.
Vincent fann greitt varmen i pysj, hua og tovatøfler.  


På Tre Brør café.
Nytt, meir utfordrande puslespel, nye leikedyr og eplekake. Mmh!





På tur til oldebesta Voss. Kastar steinar i elva. 

Plukkar store, saftige blåbær på vegen.

Home is where my heart is.


Vincent og mamma, ferjeturen heim. 


Working 9-4

On my way to work! Ha ein fin dag alle! 



 


Søsterkveld og ein fin liten samtale

Har just hatt verdas finaste småsøstre (som slett ikkje er så små lenger...) på Idol-kveld. Dei hadde laga kakao til oss, herlig! No ventar eg på at Christian skal komma heim frå foreldremøte. EM-kvaliken står på i bakgrunnen, og med andre ord har eg planta meg sjølv godt nedi sofaen for kvelden. Tirsdagskveld er tv-kveld, heile gullrekka med Grey's Anatomy og Private Practice. Tradisjon tru! 

Hadde forresten ein fin liten samtale med Vincent då me tok kveldsstellet i dag:
"Åh Vincent, du e blitt så stor gutt!"
"Nei, ig e liten!"
"Ja-a, da e jo sant, da. Men mamma e stor!"
"Nei, mamma og e liten."
"Åja. Kem e stor då?"
"Pappa!"

(Finaste uttalen, han seier "ig", "mig" og "dig" i staden for "eg", "meg" og "deg".)
 


 





Curlies

Oh my god, to dagar med pariserfletta og håret mitt ser ut som rå nudlar.

Viste seg å bli ein skikkelig regnværsdag dette, i grunn heilt ålreit. Ser fram til mykje innekos, skal straks køyre å hente verdas beste Vincent i barnehagen før me skal til Dale å lage middag til heile svigerfamilien. På menyen i dag står "Las Christian" (has no name), kvitløksbrød og salat. Det skal bli så godt! 







Haustgarderobe

Med haust og barnehagestart kjem behovet for ei lita fornying av garderoben til Vincent. I tillegg har han strukke seg i løpet av sommaren, så det er ikkje alt som passar lengre. 

Behovet for bytteklær i barnehage gjer seg gjeldande, i tillegg til ytterklær, kvardagsklær, finklær... Åh, det finst så mykje fine klær til toåringen! Nedanfor har eg samla eit lite utvalg av klær som står på ønskelista mi, hovedsaklig frå Cheap Monday, H&M, Geggamoja... Og eg har ikkje eingong begynt å sjå på Pomp De Lux sin haustkolleksjon! Oh, those cravings...






Week end

Åh, eitt stykk trøytt og sliten tjei.

Helgene spinn alltid opp farten på dagane og let dei passere fortare enn eg rekk å følgje med.
Annakvar helg er jobbehelg for Christian i år også, i praksis vil det seie at Vincent og eg er meir eller mindre aleine heile helga. Då gjeld det å finna kjekke ting å fylla dagane med, og heldigvis har me verdas beste familie rundt oss på begge sider - så det skortar ikkje på ting å finna på!

Derfor, etter to travle dagar frå me står opp til leggetid, og etter to kjekke sosiale kveldar, er eg rimelig klar for å legga hovudet på puta og reise til drømmeland. Nattesøvnen har det blitt så som så med i helga. Natta! 





Rainy Friday Afternoon

Så opna himmelen seg, og den andre septemberdagen i 2011 gjorde seg klar til å følgja opp årstida. Det luktar skarpt av passert sommar, mørket vinn nokre minutt av dagslyset kvar kveld og vinden riv i blada som snart slepp taket. 


Vincent er ganske opptatt av regn.
Omtrent kvar gong han går utanfor ytterdøra stoppar han opp eit lite sekund, myser med dei fine, brune augo sine før han snur seg mot oss og konkluderer med at: "Ikke regna no."
I dag, derimot, høljeregna det då me skulle køyre heim frå Dalebestane - og det fyrste Vincent gjorde då me hadde sprunge om kapp med regndråpane frå bilen og opp til ytterdøra, var å styrte inn til mormor og Bebbe, springe opp alle dei fjorten trappetrinna - med våte sko - og oppspilt fortelje alle der inne at det regnar ute. Masse. 
Bebbe betrudde han at me heller vil ha sol enn regn, og då me åt kveldsmat ei stund etterpå greip han tak i armen min, peika ut vindauga og sa: "Mamma? Ikke regna no. E sol!" 
Bebbe sine ord om solskin hadde tydeligvis sunke inn, men dessverre for både den eine og den andre rasa hauststormen vidare med styrtregn i kasta.  

Då me skulle springe heim igjen, og me kryssa den grå trappa som skil ytterdørane våre, stoppa Vincent eit lite augneblink, kikka ut mot himmelen og insisterte: "Mamma? Ikke regna no."
"Jo, Vincent, da regna,"
 sa eg og peika ut på det fine nettet av regndråpar som tegna seg nesten usynlege mot himmelen. 
"Nei. Eg ser da ikke," smila han og sprang inn.  



 


Gjenferd

Mmh, nyter torsdagskvelden på sofaen. Har akkurat opna Jo Nesbøs siste bok om Harry Hole. Har spart på den i mange månadar, leita etter den perfekte anledning til å lesa den, men i dag klarte eg ikkje å venta lengre, haha. Eg er stor Nesbø-fan, og har slukt alt i Hole-serien - så det er med vemod eg les linjene i Gjenferd. Bokfantast?

 

 


Birdskull


Fashionology.nl



Bestevenner

Duggvått gras og blå himmel,
ikkje noko problem å levera
ein morgonfrisk toåring
i barnehagen når
bestekameraten står i døra og ventar.  

Det vesle ansiktet til Vincent
som lyser opp når han ser han,
engasjert gestikulering og
lange setningar,
bamsen skal visast fram.

Spring til garderobeplassen,  
sit side om side,
pratar ivrig medan
mamma tek av sko og genser,
og før eg får sukk for meg
har dei sprunge full fart
inn på avdelinga.  

Når eg kjem inn
har han nesten ikkje tid
til å snu seg og sei hadet,
klem blir det vertfall ikkje,
dei bygger lange tog
som skal på eventyr i fjerne fantasiland,
seinare skal dei kanskje
ut på sykkel,
Vincent på lasteplanet,
bestekameraten styrer.

Mammahjarta 
dobbelthoppar
av rein glede. 







Mitt navn er Silje, jeg er 23 år og bor på Stord sammen med familien min.

Dette er mitt pusterom hvor jeg deler det jeg har på hjertet.

Spørsmål? Kontakt meg på silje.tillung@gmail.com