Eit ørlite hei - til andre enn meg.

No har eg nett sett komiprisen medan eg har logge på rygg og trykt på tjukkemagen - i håp om å kjenna ørsmå dunk innanfrå. Eg kjente dei nemlig for fyrste gong i dag tidleg då eg vakna. Den eine handa låg plassert på magen - og plutselig kjente eg to lette trykk mot handflata mi. Det same skjedde no ikveld. Endeleg kan andre enn meg kjenne all aktiviteten som føregår! Dog, med ein gong mamma plasserte hendene sine og trykte lett, slutta det. Sjølvsagt. Ho seier det hjelper med appelsinjuice. Både meg og mine systre blei tydeligvis veldig aktive då ho drakk det, men dessverre hadde me ikkje noko slikt i hus. Ergo må eg kjøpe på måndag. Kvifor vert nurket aktiv av appelsinjuice?

No skal eg straks køyre å hente Christian som har jobba kveldsskift. Sidan skal me heim å sjå to House-episodar før me må leggja oss. I morgon tidleg skal eg nemlig køyra han på ny vakt - klokka 07. Stakkar, 07 - 19. På min agenda i morgon står derimot omtrent berre lekser. Har eit par innleveringar og sikkert 50 sider med "hand-out"-stoff som eg må lesa gjennom til måndag. Det vert litt av ei omvending, eg som ikkje har gjort lekser på ein evighet. Uansett, god natt - frå meg og nurket.

202
21 +2. Merk forresten Pusi sine fira kloremerker
oppe på magen. Då eg strauk meg - hoppa han opp og klorte
seg fast.

Babyshopping.

På torsdag handla eg og Christian vippestol til nurket vårt. Offwhite/kvit med regulerbar rygg/bein, plater i ryggen for god støtte, avtag- og vaskbart trekk...I love!
Dog, me mangler enno stort sett nesten alt anna som trengst. Utanom seng, stellebord, vogga... på måndag skal eg bestilla time hos ein privatlege for å endelig fastslå kjønn. Eg er så lei av å ikkje veta!

vippestol3

vippestol

vippestol2

Natt.

Christian jobbar nattevakt ikveld igjen. Eg har fri imorgon, og difor søv eg her, hos han. Her er min andre heim, virkelig.
No skal eg setje meg godt til rette i dobbeltsenga vår, breie dyna over meg, ta fram strikketøyet og M&M'sane og sjå Sex og Singelliv til eg sovnar. Eg skal så sova heilt til klokka vert kvart over sju og Christian har kome heim og vekkjer meg med eit stort glas med saft og isbetar.  God natt!

silje2


Kattemenneske.

Christian jobbar nattevakt på eit bygningsområde heila veko. Frå 20 - 07. Keisamt for meg, så difor har eg ikveld (og kvar kveld, igrunn) holdt han med selskap i eit par av hans 11 timar. Idag lånte eg med meg ein film, "Before the Devil Knows You're Dead", me pakka teppet godt rundt oss, kobla opp den bærbare PCen og sette oss godt til rette i pinnestolane våre. Filmen var dårleg, og eg såg årvåkent på omtrent halve. Resten av tida søkte augo mine lengre inn i lokalet - det er nemlig fire villkattar der kor Christian sit nattevakt. Tre små og ein stor. Alle fullstendig nydelige. Eg prøver stadig vekk å pusa på dei, men dei er livredde og spring når eg nærmar meg; villkattar. Eg er så redd for at nokre av arbeidskarane er stygge med dei! At nokon sparkar dei, kastar reiskap på dei. Eg får vondt langt inn i hjarterota kvar gong eg les om kattar som har blitt hevne på grillen, på kattar som blir forsøkt slått i hjel, forlatt... kattar er nemlig - i mine auge - dei finaste, klokaste, mest trofaste og mest majestetiske dyra som finst.
Den eine puseungen hadde ikveld fått ferten av eit par posar som hang i rett høgde. Tydeligvis bosposar, for når eg kom bort låg det sneipar og diverse strødd rundt på betonggolvet. Og alle fira hadde åte med liv og lyst på boset som kom ut av posen etterkvart som dei klorte hol. Deretter byrja eg å tenkje på at dei små kattungane sikkert aldri har fått oppleva å vera skikkelig mette - og vips så har eg kobla ut flimen fullstendig. Eg grin innvendig når eg tenkjer på det.

I morgon trur eg at eg skal kjøpe med meg litt mat og ta med opp til dei. Så får dei oppleva å vera skikkelig mette. Eit par boksar med tunfisk, f.eks. Er det lurt?

Eg vil så gjerne ta vare på alle kattar det er synd på.


MINE TO GULL

dsc0102
Tobben, 15 år.

dsc0134
Pusi, ca eit halvt år.


Sjokoladenam.

Status: snopesjuk som aldri før. Ustyrlig trong til svære sjokoladekaker med mektig, tjukk glasur. Heldigvis delte mine tvillingsystre min lyst etter noko skikkelig digg, og me har difor laga - og spist - verdas beste og mektigaste sjokoladekaka. Mmm!

(eg skal vera verdas beste kjæraste seinare, og overraska min kjære som jobber nattevakt med kaka!)

baking


Gut eller jenta?

I svangerskapets hete las eg i dag denna artikkelen på VG Nett: http://www.vg.no/helse/artikkel.php?artid=529048 .

Me har alle høyrt tusen kjerringråd som skal hjelpa å bestemma om nurket i magen er gut eller jenta. Korleis ligg magen? Er du mykje kvalm? Urein hud? Gøy om det viser seg å stemma - men nok fullstendig utan rot i virkeligheten. Eller? No har nemlig ei forskargruppa i USA funne ut at dersom ein er plaga med morgonkvalme i fyrste semester, kan ein rimelig bombesikkert gå ut å handla inn rosa saker og ting, då jentefostre produserer meir hormon enn gutefostre.

Skal ein følgja mytene som står nevnt nedst i artikkelen, får eg tydeligvis ein tvekjønna baby.

20
20 veker. Kva vil du sei? Liknar magen mest ein basketball
eller ei vannmelon? Gut eller jentemage?




Skuleinspirasjon og kvalme.

Eg kom meg aldri på skulen idag. Morgonkvalme er noko herk. Dog, seinare på dagen gjekk eg og Christian på Ark, kor eg kjøpte meg nye saker til skuleåret. To skrivebøker, perm til å ha alle lause ark i (eg skal ha system i rotet i år!), mappa som eg kan legga ark i når eg får dei, og tip-ex. Innkjøpet gav absolutt litt meir inspirasjon til å begynna på skulen igjen. Derfor sit eg no å glerudar meg til i morgon. Då skal eg på skulen, samma kva. Fekk eit tips om at Ritz-kjeks hjalp mot kvalmen, dog eg har mine tvil. Difor vert sekken ikveld pakka med Ritz-kjeks, bananer og nye skuleskaer.

Råd mot kvalme, anyone?

skule




Nurket i magen er...

mest sannsynleg ein liten gut!
Eg skriv mest sannsynleg, fordi navlestrengen låg mellom beina - noko som gjorde det vanskelig å sei noko heilt sikkert. Men, doktordamen som utførte ultralyden syns da likna mest på ein gut. Og når ho forklarte syns igrunn eg og da. Men tør ein å gå til innkjøp av lyseblå ting når navlestrengen låg i vegen? Mamma tør ikkje. Ikkje eg heller, trur eg, endo kor mykje eg klør etter å få begynna å handla saker og ting. Muligvis me bestiller oss ein time hos privatlege, for eg vil veta heilt sikkert.
Uansett, ultralyd på Haukeland var fantastisk. Dei skifta mellom vanlig UL og 3D - tenk, eg fekk sjå litle guten vår i 3D! Så fantastisk, trekkene i ansiktet kom tydelig fram, ein kunne sjå dei lukka augene, nasa, øyra, munn... anbefalast. Ultralyden på Haukeland var og ein rolig opplevelse - under UL på Stord rann da ein stri straum med sjukepleiarar (?) som kom og gjekk, og eg er sikker på at ei tid var det 7 andre enn oss inne på undersøkelsesrommet. Det er ikkje noko særleg når ein ligg med magen bar og tårer i augo over den vesle som rører seg høgt oppe på flatskjermen. Eg syns ultralyd skal vera ein privatsak mellom mor, far og lege. I Bergen, derimot, var det forheng rundt meg, og det var kun eg og doktoren. Eg fekk til og med puta under rygg og bein.

No er det iallfall utruleg mykje aktivitet i magen. Godt å kjenna! Eg trur at om eg ligg heilt i ro kan ein kjenne det utanpå også. For det byrjar å bli kraftige spark, gitt.

Hadde andre tørt å begynna å kjøpa på lyseblått?




Studiepjatt, engelsk årsstudium.

I morgon byrjar skulen. Klokka 08:30. Ei litt anna tid enn kva eg har blitt vant til i sommar. Eg treng nemlig mine 8-9 timar med søvn.
Eg har rimelig mange sommarfuglar i magen angåande studiestarten. Eg er slett ikkje særlig motivert til å byrja, sidan eg berre satsar på å gå fram til jul. Men hei, det hadde vore kjedlig å berre gått heima i eit halvt år - og eit år med engelsk tek seg godt ut på papiret, og er smart med tanke på vidare utdanning.
Lell, eg har aldri møtt i ein klasse kor eg ikkje kjenner nokon. Eller på ein skule kor eg ikkje kjenner nokon, for den del. HSH = skummelt.
Så hadde det vore typisk at eg vart dårleg i morgon tidleg. Det har eg blitt kvar dag i minst ei veka. Kor normalt er det å bli dårleg etter 4. månad? Og kva gjer eg om eg vert dårleg? Let eg vera å møta, sender ein mail og beklagar meg, får ei oppdatering av studievegledar og satsar på ein frisk start på torsdag? Det må vel gå, i naudstilfelle.
Treng dessutan å skaffa meg ein heil hurv med bøker, kladdebøker og permar til å ha ark. Som vanlig ved kvar studiestart har eg bestemt meg for å faktisk holde orden på papira mine. Mm, me ser kor lenge det held.

Var på ultralyd på Haukeland idag! Ei fantastisk oppleving, heilt anna enn UL på Stord. Fått veta kjønn - og fått 3D-bilde av nurket! Fortel meir imorgon. No må eg springa, pakka ned ei skrivebok og nokre blyantar, så skal eg ut på jobben til Christian og drikke meg stappings på diverse typar Slush. Mm! 

silly
Tullefjes.





Haustmote.

Idag har eg handla på H&M! Trenge ein del enkle, basic mammaklær, merke toppane mine begynne å krypa eit stykke opp på magen. Svart, kvitt, grått og lilla er typisk meg. Eg er ikkje så sprek av meg i fargevegen, gitt.

Klør forresten i bestillingsfingrane etter å bestilla sminke fra StrawberryNET!

host







Strikkedilla.

Når ein ventar baby vert det nesten automatisk mykje strikking hos kjente og kjære. Og absolutt ingenting er kosligare og kjekkare enn det!
Mine strikkekunnskapar strekk seg til å kunne strikke fram og tilbake på pinnar. Her er ikkje snakk om noko rett og vrang, strikka strømper, ermer, jakker og liknande. Eg kan berre strikka mine antal masker, snu strikketøyet og byrja på nytt att. Heilt streit strikking, altså.

Men det vert for gale at eg ikkje strikkar noko til Baby sjølv. Dessutan kan det vere kosleg å ha noko å putle med på seine haustkveldar medan ein ser Grey's Anatomy og drikk kakao i ny leiligheit. Difor gjekk eg i førre veke til innkjøp av garn i nøytrale, men sterke, fargar. Ragnhild oppfriska mine kunnskapar om korleis ein legg opp, og mamma lærte meg å felle av, så no kan eg strikka heilt på eiga hand! Det eg strikkar er eit lappeteppe. Litt som dette. Eg strikka firkantar som eg sidan skal tova i vaskemaskinen, og så sy saman til eit stort teppe. Eit teppe kan nemlig brukast på vogn, i vogge, på golv, i seng... eg gledar meg til det er ferdig!


garn
Fine, friske fargar.

strikk

Møbelshopping

Idag har eg og Christian vore på Bohus og bestilt spisebord. Hurra! Har gått mange rundar, men endte til slutt opp med da me såg på aller først.
Dei nærmaste dagane skal me henta eindel andre ting som me og har bestilt derfra, og få da inn i leiligheiten. Her er nokre av tingo:

mobel
Spisebord med klaff.
Står i stil til kjøkkeninnredningen.

mobel2
Sofa, dog ein million gongar finare,
i svart skinn.

mobel3
Stressless til meg, i svart skinn, og med
finare understell.






Pica?

Dei fleste gravide får såkalla picas - noko dei er hekta på under graviditeten. Til døme s spesielle typar mat. Til mi store forarging har eg ikkje hatt noko slikt tidlegare, berre omvendt. Eg har avskydd saker eg før har elska. F.eks. vårrullar, eit stort tap for meg.
Heldigvis har min egen pica trådt fram i løpet av dei siste vekene - og det er slett ikkje mat eller snop me snakkar om. Nei, for eg er hekta på brettspel, og dei to siste vekene har eg ikkje tal på kor mange brettspelkveldar Christian og eg har arrangert.
Fyrst var (og er stadig) Settlers min store kjærleik. Eg er den blå, men eg vinn aldri for eg køyrer feil taktikk, men syns det er knusande moro likavel. Diverre har min betre halvdel, Spelekongen, gått lei av Settlers.
Difor, ein sein barnevaktkveld, rota me fram to (for meg) nye brettspel hos Monica, og brukte resten av kvelden til å læra meg Hotell. Så lånte me med oss både Hotell og The Game of Life heim. O lykke!
Siden søndag har me altså spela rimelig mykje Hotell, Christian og eg. I'm hooked.

Ikveld skal me spela Buzz. Det er nesten lika moro som brettspel. På Buzz vinn eg iallfall alltid, nesten.

hotell
Løp og kjøp, alle spelegalne!

hotell5
Kult brett, utrulig mange stilige luksushotell.

hotell6

pusi
Pusi er med som.. moralsk støtte?



Iron Maiden

Eg har Iron Maiden songar på øyra, gitarsoloane straumer ut i rommet, Bruce Dickinson skrik frå full hals og i tankane er eg tilbake til den 23. november 2006, på konsert med Maiden i Vestlandshallen, Bergen. Christian, Silje, Siv Beate og Vidar. Fantastisk, heim halv 4 på natta. Ein omtrent fullstappa Vestlandshall, tusenar av folk som syng med på nye songar som snart skal gå over til å bli blant dei største hitane nokon sinne. The Pilgrim, For the Greater Good of God, The Reincarnation of Benjamin Breeg... Heile hallen som reiser seg, alle dei omtrent 10.000 menneska som var med på å laga ein fantastisk stemning akkurat denne kvelden, etter det litt tafatte og i mine auge altfor bråkete bandet Trivium varma opp.

Taket løftar seg i det Bruce's geniale stemma varsamt byrjar med

I am a man who walks alone
And when I'm walking a dark road
At night or strolling through the park


og resten av bandet fortsett å laga magi av Fear of the Dark, den kanskje mest legendariske songen av dei alle.
Og kven, kven var det som var så heldig å treffe på Nicko McBrain på ein dotur? Jo, det var meg, det.

23112006170
Legendariske.

cs
Kjærastepar på konsert.




08.01.09.

Måndag var Christian og eg på ultralyd. Ekstra spennande, sidan ultralydbesøket ville gi svar på om alt står bra til, kjønn, endeleg termin... ultralyd i seg sjølv er igrunn ingenting å kvi seg for, me var til og med på UL då eg var i veke 10. Likavel ligg eg heile natta i forvegen, får nesten ikkje sova, og tenkjer gjennom tusen ting.
Heldigvis stod alt bra til med vårt vesle nurk. Faktisk perfekt til. Hadde vokse såå mykje sidan sist, og likna på ein ordentlig baby. Gjennom heile undersøkelsen var Baby fryktelig aktiv; klødde seg i nakken, tok seg i andletet, spente og vridde på seg - til stor glede for mor og far som fulgte med på storskjerm. Moro!
Ny termin er no sett til 08.01.09 - dagen før pappa Christian. :) Dessverre fekk me ikkje veta kjønn, Baby låg litt vanskelig til, men me satsar på at me finn det ut om ikkje så lenge. Eg er så spent, og skjønnar ikkje folk som vil venta med å veta kva det blir.
Tenk, eg har eit lite menneske i magen min!

Er det forresten noko eg elskar, så er edt når Baby får pakkar. Rettare sagt, når me får pakkar til Baby. Eg vert som ein femåring på julafta, hjarta spring løpsk, og når pakken er opna og innhaldet avslørt, frydar eg meg over å vera gravid, og gledar meg meir til nurket kjem enn nokon gong før.

Kva med andre, skal dåke veta kjønnet? :)

crocs
Monica (syster til Christian) kjøpte desse nydelige Crocsane
i Kroatia. Str. 21 og verdas finaste!

pakke
Pakke for registrering på www.babyverden.no - våtserviettar, bleieprøve,
gåvekort på bleier, CD, badesaker... Gøy!

apotekets
Siv Beate (syster til Christian) var så søt å ta Apotekets Babypakke med
heim frå jobb ein dag! Så fantastisk mykje moro!

Treng blogghjelp!

Eg er njub. Og eg skjønar ingenting.

1. Viser min header i Firefox (og andre nettlesarar)? Eller kun i I. Explorer?

2. Korleis får eg mindre skrift på sjølve bloggteksten?

(3. Korleis laga ein smalare blogg?)


Eg har tråla forum- og hjelpesidene, kun for å finna voksande frustrasjon.
Derfor; hjelp?

Trøyttefjes.

Trøytt, småsjuk og iført min nye kosejoggedress. Eg vil slett ikkje bevega meg utanfor ytterdøra, eg vil liggja på sofaen i heile dag og sjå gamle episodar av Sex og Singelliv, og litt Private Practice. Eg vil drikka Fanta til krampa tar meg, ver usminka, bustete på håret, stryka min tjukke mage og ha Tobben på fanget. Eg vil sitja framføre PCen å lesa på vetige og uvetige bloggar, redigera bilete og kjenna deilige tonar frå Vamp.

Men fyrst skal eg i bursdag til tantebarnet vårt som blir 5 år idag. Og eg skal eta meg stappmett på kaker. Etter det skal eg bare slappa av.

blader
Eg gledar meg til hausten, til det regnar og blæs,
og det er berre deilig å vera inne.

Shop 'til you... lose a bag?

Eg har ikkje kjøpt meg nye klede på 2 månadar. Minst. Det verste er at eg ikkje lyg, og at eg heller ikkje kan hugsa kva for eit klesplagg som sist kom til. Med stadig voksande mage er det jammen meg på tide med refreshments på garderobefronten.

Planen min var god, betre og best. Motorstart frå Dale klokka 9 (eg er ein morgonfugl), gå på Amanda å shoppa, samt på Lefdal å sjå på TV til leiligheiten vår. To floger i ein smekk, og begge partar i kjæresteparet Christian-Silje ville bli supernøgd. ... Eg våkna 08:45 med full panikk. Eg hatar når ting ikkje går som eg har tenkt, og etter take-away-frokost på Ica Maxi (boller og ostehorn), kom me oss ikkje avgårde før 10. Eg bør læra meg å leggja reserveplanar.

Når sant skal seiast, suger eg i shopping. Eg blir dødssliten av å traska rundt i butikkar - særlig når eg er gravid. Derfor var alt eg fekk kjøpt ein stripete genser og ein kosejoggedress frå BYoung, ein kvit BH og eit par øyredobbar i stil med den stripete genseren. Pluss ein litne byblom til Amalie og Martine.

Då eg kom heim og skulle bæra "alle" mine posar inn, var sjølvsagt den eine vekke. Den frå BYoung med heile klesfangsten min. Gløymt, på McDonalds, blant hundrevis av folk. I full panikk leita eg opp nummeret til McDonalds, og etter omtrent tusen ring tok dei telefonen og sa at dei hadde posen min. Hurra!  Og hurra ein gong til for at Miriam var i Haugesund og har henta den for meg!

Heretter skal eg bare shoppa på nett.

earrings






Mitt navn er Silje, jeg er 23 år og bor på Stord sammen med familien min.

Dette er mitt pusterom hvor jeg deler det jeg har på hjertet.

Spørsmål? Kontakt meg på silje.tillung@gmail.com