Curtains Close

Eg er drittlei av gardiner. Det kjennes som om me har vore på utkikk etter dei perfekte stovegardinene i ein evighet. Tråla gjennom Kid - kor me forøvrig har deponert på ca tjue forskjellige, berre for å komma tilbake å sei at dei ikkje er noko for oss - Jysk, Ikea, Princess, Fryd, Skeidar, Bohus... har dei gardiner ein stad kan eg garantera deg at me har vore der å speida. Faktisk var me på utkikk etter gardiner til soverommet vårt på Dale i to år utan hell. Ingenting vert dessutan lettare når både Christian og eg har diverse krav som skal oppfyllast. Me står for eksempel fast på å ha gardiner. Persienner eller rullegardiner finst ikkje i vårt vokabular. Deretter vil Christian ha gardiner som er lystette. Iallfall nesten. Som slepp så lite lys gjennom at han kan sitja i sofaen å spela eller sjå tv ein lys sommardag, utan å sjå gjenskin av seg sjølv i tven. Med eit slikt superkrav begrensar dei aktuelle gardinene seg frå tusen til ti. Og fargespekteret går omtrent vekk frå lyst og over til mørkt. Mitt krav er at gardinene skal vera enkle, stilfulle og gjerne einsfarga.
Mamma og eg har ikveld kokt ned til to gardiner. Christian er på jobb og får sjå når han kjem heim. Begge gardinene er kvite med kvitt mønster. Nummer ein forbinder eg med ein brudekjole, på ein positiv måte. Det er noko med stoffet og det enkle mønsteret. Den er i tillegg fora og kostar flesk - men må gjerast ein del med, då den er 250 cm, og me berre treng 160. Det store plusset her er at me kan bruka resten av lengda til soveromsgardiner. Du snakkar om matching. Nummer to er flott den òg, men av ein heilt anna kvalitet, samt at den er superbillig. Likevel vert den fort nydeleg med gardinduskar i f.eks. raudt eller svart.
For å sei det enkelt: eg hatar å velja gardiner. Det er ein jungel der ute, eg lovar deg det. Difor spørr eg: kva skal me velja? Kass var finast? Kvalitet eller kvantitet?

gardin2
Nummer to og nummer ein.
Prøv å sjå for deg utan det dumme blitzlyset.


Say hello to Handygirl!

Ei stund har leiligheiten vår sett ut som varelageret på ei kryssing av Bohus og Elkjøp. No byrjar det derimot å koma seg, pappa har vore Handydad heile helga og plassert og installert oppvaskmaskin, vaskemaskin, tørketrommel, og ikkje minst vårt superhøge kjøleskap. Eg rekk faktisk ikkje opp til øvste hylle. Det er nok fordi eg er pitteliten, og ikkje fordi kjøleskapet vårt er unormalt høgt - for det er det ikkje. Uansett, Christian og eg har brukt ettermiddagen/kvelden på å bestemme plassering av diverse saker (som speil), samt montert kjøkkenbord + fire kjøkkenstolar. Derav Handygirl-kjensla, er det løye eg er nøgd med meg sjølv?

Idag har eg òg fått pakke frå H&M i posten! Pakke i posten er som å ha bursdag, eg elskar det. Skal vise ein anna dag, Christian har nemlig rappa bærbaren min (som inneheld livsnødvendige Photoshop) til å ha på jobb i natt.

Uansett, no trur eg at eg skal opna og byrja på min nyaste skatt: Unni Lindells siste krimroman, Mørkemannen. Eg glerudar meg så fælt, og har utsett å byrja eit par dagar. Eg elskar Unni Lindells krimromanar, og vil alltid at dei skal vare evig - for når eg er ferdig med denne, veit eg at det er ein heil evighet til neste bok. Det er litt som å sjå ein god film, eg angrar alltid litt etterpå, fordi den var så god at eg helst vil oppleve den heilt på nytt - med nye augo.

(Åh, ein julesong shuffla seg på Winampen! Eg gledar meg så fælt til jul! Og om det vert regn i morgon er det altså mi forteneste.)

untitled3

Møbelshopping

Idag har eg og Christian vore på Bohus og bestilt spisebord. Hurra! Har gått mange rundar, men endte til slutt opp med da me såg på aller først.
Dei nærmaste dagane skal me henta eindel andre ting som me og har bestilt derfra, og få da inn i leiligheiten. Her er nokre av tingo:

mobel
Spisebord med klaff.
Står i stil til kjøkkeninnredningen.

mobel2
Sofa, dog ein million gongar finare,
i svart skinn.

mobel3
Stressless til meg, i svart skinn, og med
finare understell.








Mitt navn er Silje, jeg er 23 år og bor på Stord sammen med familien min.

Dette er mitt pusterom hvor jeg deler det jeg har på hjertet.

Spørsmål? Kontakt meg på silje.tillung@gmail.com